Կորցրել եմ կոշիկներս,
Հիմա բոբիկ եմ, անտուն:
Իմ անցյալն էլ չունի հետս`
Չի հիշում, չի կարոտում:
Ես ինձնից բան չհասկացա,
Ինքս ինձ եմ մոռացել:
Իմ «Անձ»-ն ու «Ես»-ն օտարացան.
Միայն «Ինքն» է մնացել:
Առանց անցյալ, առանց ներկա`
Ինքն իր գլխին, անհայրենիք:
Մնացածից ոչինչ չկա՝
Ո'չ սեր, ո'չ ցավ, ո'չ մարող կիրք:
Միայն մի քիչ անձրև որ գար...
Կարոտել եմ արցունքներիդ:
©Թերեզա
14.11.2011թ.
2013թ.
Комментариев нет:
Отправить комментарий