Մեր անձրևները միմյանց գրկեցին
Ու իմ կաթիլը քո այտին ընկավ:
Գլորվեց ներքև, ու համբուրվեցին
Գիժ անցյալս ու գունավոր ներկադ:
Լուռ կարոտս շշնջացի
Խոնավացած քո շուրթերին
Ու կիսաձայն սիրտս բացի՝
Ուշաթափված քո ափերին:
Դու իմ արևն ինձ տվեցիր
Կիսաայրված քո ձեռքերով:
Ու ես թաքուն տարածեցի
Իմ աշունը քո երկնքով:
Իմ աչքերը հանկարծ լացին,
Ու արտասվեց սիրտս մոլոր:
Միամտաբար ցավդ զգացի,
Երբ անձրևեց հոգիս տկլոր:
Ես իմ ներկան արդեն կորցրի
Կարոտ դարձած քո հետքերով:
Իմ աշունը քեզ տվեցի,
Իսկ դու անցար կույր քայլերով:
©Թերեզա
13.10.2011թ.
Комментариев нет:
Отправить комментарий