Ինչո՞ւ եմ ասա այսօր քեզ սիրում

Ինչո՞ւ եմ ասա այսօր քեզ սիրում:

Սերերս թողած` քեզնից սեր մուրում:

Ինչո՞ւ եմ սիրտս անվերջ ստորացնում

Ու այն քո անսեր սրտին եմ դարձնում:

Եվ ինքս ինձ կրկին կյանք վերադարձնում:

Արդյոք չգիտեմ, որ սիրտդ է ստում:

Աչքերդ են խաբում,

Ու ինձ են ստիպում

Ետ դառնալ նորից,

Դառնալ քո սիրուն`

Խաբել ինքս ինձ:

Եվ անվերջանալի, անխոստումնալի

Սեր է շռայլում`

Դարձնում իրեն համար մոռացված սիրուհի

Ինձ ու իմ հոգուն:

Ինչո՞ւ եմ ասա այսօր քեզ սիրում:

…Ու իմ աչքերը քո հետքն են մաքրում:

Քեզ են որոնում նրանք ամբոխում:

Եվ իրենց լույսն են ստվերիդ հետ փոխում:

Ինչո՞ւ եմ ասա այսօր քեզ սիրում:  

…Ու իմ շուրթերը քո շուրթն են փնտրում,

Ու իմ այտերը կարմրում են, այրվում`

Սրտիս բախումն եմ սրտումս միշտ զգում`

Երբ քեզ են հանկարծ աչքերս գտնում:

Ինչո՞ւ եմ ասա այսօր քեզ սիրում:

©Թերեզա

07.05.2007թ.