Երբ դուռդ թակում է կարոտը միայն,
Իսկ անկողնուդ թիկնած է թախիծը,
Դու վերանում ես աշխարհից համայն`
Թողնելով նրանց քո կորցրած իղձը:
Քեզ հետ տանում ես քո խրտնած հոգին,
Երազակորույս ներկան փաթաթած,
Ծակծկված, մաշված խիղճը կոկորդին,
Մի պտղունց ցասում սրտի տակ պահած:
Ու վերջակետն է կախվում տողերից,
Լուռ խաղաղվում է կարոտը վայրագ,
Քո հետ տանում ես մի կյանք, մեկ թախիծ.
Դատարկելով ևս մեկ խորթ արևածագ:
14.05.2015
©Թերեզա
Комментариев нет:
Отправить комментарий