Գիտեմ…

Գիտեմ…

Մի օր կմնամ այնտեղ:

Ու անգամ սերս չի կարողանա

Ինձ ետ բերել ու նորից վառել:

Երբ այս աչքերը էլ չեն ենթարկվում`

Որոնում են քեզ`

Անկախ իմ կամքից,

Անկախ ամենից

Ինչ որ արել ես:

Երբ այս շուրթերը չեն փորձում խոսել`

Անվերջ փնտրում են

Համբույրդ ու սեր.

Ես ակամայից հեռանում եմ լուռ

Ու այստեղ չեմ էլ:

Վախենամ մի օր էլ մնալ այնտեղ

Ու չկարողանալ որոնել, գտնել:

Եվ կմահանան արցունքներն էլ:

Կմահանան ու էլ չեն թրջի

Աչքեր ու այտեր,

Այտեր ու հոգի:

Ու էլ պետք չի գա

Սիրել ու ներել:

Այստեղ կմնամ

Մինչև դադարեմ…

Ու այժմ դեռ այստեղ եմ:

Նորից եմ մնում,

Որ սիրեմ, ներեմ:

Որքան կմնամ, որքան կլինեմ`

Ոչ ոք չգիտի..

Միայն Նա`

Տերն իմ կյանքի..

Մինչ այս երազի ավարտը

Իրականությունը կբղավի,

Որ շրջվեմ ու տեսնեմ իրեն`

Անզոր ինձ նորից տապալել:

Թերեզա

13.02.2007թ.