Դա իմ սերն է

Այս անխափան, անխախտելի,

Այս ցավեցնող լռության մեջ,

Այս լռության կուրության մեջ,

Չսափրված այս կեղտերի`

Էությունով մի թանկ շունչ կա.

Դա իմ սերն է:

Անվերջ այս ձգձգվող օտարության,

Այս` արդեն քար ծակեցնող խոնավության,

Այս ամենից լուռ փախուստիդ մեջ

Չսպառվող երևույթ է պատսպարվել,

Որ չծախսես, չփոխանակերս,

Որ չկորցնես պատահաբար.

Դա իմ սերն է:

Քո ստերից, քո անձրևից ու քո ծխից,

Ինձ` քեզ հիշեցնող թաց պատկերից,

Ինձ մնացած քո էությունից,

Անվերջության վերջը դնող,

Քեզանից էլ սեր չսպասող

Մի արբեցում է միայն մնացել.

Դա իմ սերն է:

Վերջ սիրելիս:

Թե կարող ես խաղալ, խաղա':

Արդեն բաց են իմ թղթերը:

Տես չպարտվես միայն:

Անկեղծության տակ

Հաղթանակն եմ իմ թաքցրել:

Ժպիտներով կարող եմ քեզ

Իմ այս խաղից անգամ շեղել:

Թե կարող ես`

Համաձայն եմ քեզ պարտվել:

©Թերեզա

27.01.2007թ.